Soltústik Qazaqstan oblysynda sheteldik 50 azamat elden qýyldy
PETROPAVL. QazAqparat - Soltústik Qazaqstan oblysynda 54 sheteldik azamat kóshi-qon zańnamasyn birneshe ret buzǵany úshin Qazaqstannan qýyldy, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Sot olardy elden shyǵarý sheshimin ákimshilik zańnamanyń ózge de buzýshylyqtary úshin qabyldady. Sheteldikterdiń arasynda mundaı zań buzǵandar sany - 7. Endi olar úshin Qazaqstan aýmaǵy 5 jylǵa jabyq.
Máselen, 45 jastaǵy Reseı Federatsııasynyń azamaty spırttik ishimdikter iship, jol erejesin buzǵany úshin birneshe ret jaýapqa tartylǵan bolatyn.
Al Petropavlda ruqsatsyz saýdamen aınalysqan Ózbekstan azamaty oblys ortalyǵynda birneshe aı turyp kelgen.
Qazirgi tańda Qazaqstannan ketýi kerek bolǵan 6 adam túrli sebeptermen sot qaýlysyn áli de oryndamady. Olardy oblystyq kóshi-qon qyzmetiniń qyzmetkerleri óz baqylaýyna aldy. Eger, olar sot sheshimin oryndamasa, qylmystyq jaýapqa tartylatyn bolady. Jyl basynan beri osyndaı sıpatta 8 qylmystyq is qozǵalǵan.
