Soltústik Qazaqstan oblysynda kún kúrt jylıdy
PETROPAVL. QazAqparat - Soltústik Qazaqstan oblysynda aldaǵy úsh kúnde aýa temperatýrasynyń kúrt kóterilýine baılanysty eskertý jarııalandy, dep habarlaıdy QazAqparat tilshisi.
Tótenshe jaǵdaılar departamenti baspasóz qyzmetiniń aqparatyna súıensek, 25-28 naýryz kúnderi óńirde qar jáne jańbyr jaýýy múmkin. Aýa temperatýrasynyń kúrt artýy qardyń qatty erip, oblystaǵy muzdardyń juqarýyna ákep soqtyrýy múmkin.
Osyǵan baılanysty óńir turǵyndarynyń uıaly telefonyna 112 qyzmetinen eskertýler jiberildi. 26 naýryz kúni aýa raıynyń qubylatyny týraly taǵy da habarlama jóneltildi. Sınoptıkterdiń aıtýynsha, seısenbi kúni jeldiń jyldamdyǵy sekýndyna 28 metrge jetip, kóktaıǵaq bolý qaýpi bar.
Óńirde sý tasqyny jónindegi jedel shtab táýlik boıy jumys isteı bastady. Sınoptıkter Esil ózeni men oǵan quıatyn tarmaqtarynda erigen qar sýy jınalyp, muz qabatynyń erte juqaratyny týraly eskertedi.
Avtor: Olesıa Jýkoven
