Soltústik Qazaqstan oblysynda kólderdegi sýlardy aıdap shyǵarýda
PETROPAVL. QazAqparat - Soltústikqazaqstandyq qutqarýshylar sý tasqynyna daıyndalýda, dep habarlaıdy «QazAqparat» HAA tilshisi SQO TJD baspasóz qyzmetine silteme jasap.
Mamlıýtka jáne Býlaevo sekildi aýdan ortalyqtarynyń mańynda ornalasqan kólderde táýlik boıy qýatty motopompalar jumys jasaýda. Olardy bıyl arnaıy satyp alǵan. Bul aýdan ortalyqtarynyń shetindegi kóshelerdiń sý basý qaýpin seıiltedi. Mamlıýtkada 38 myńnan astam, al Býlaevoda - 117 myń tekshe metr sý aıdaldy.
Tótenshe jaǵdaılardy joıý bóliminiń bastyǵy Bolatjan Asqarbekovtyń aqparaty boıynsha, aldaǵy sý tasqynyna 827 ınjenerlik jáne arnaıy tehnıka, 309-dan astam sý aıdaý tehnıkalary men motopompalar, 133 júzý jabdyqtary daıyndaldy. 38,5 myń tonna kóleminde ınertti materıaldar qory, 40 myń dana ydys-qap, 254 myńnan astam JJM ázirlendi. 14 jedel jaýap qaıtarý jasaǵy, oblystyq 16 azamattyq qorǵanys qyzmeti ázir tur.
