Soltústik Qazaqstan oblysynda kókónis egý jumystary aıaqtaldy
PETROPAVL. QazAqparat - Soltústik Qazaqstan oblysynyń agroqurylymdary kartop pen kókónisterdi otyrǵyzý jumystaryn aıaqtady, dep habarlaıdy «QazAqparat» HAA aýyl sharýashylyǵy basqarmasyna silteme jasap.
Kartop 27,5 myń ga, kókónister 5,3 ga jerge otyrǵyzyldy.
Aǵymdaǵy jyldyń 1 maýsymyndaǵy jaǵdaı boıynsha, dándi jáne burshaqdándi daqyldar 2,6 mln ga-ǵa nemese jalpy aımaqtyń 89,1 protsentine, maıly daqyldar 591,3 myń ga jerge egildi. Bul josparlanǵan aýqymnan 83 protsentke kóp.
Bıylǵy jyly Soltústik Qazaqstan oblysyndaǵy jalpy egistik aımaǵy 4,2 mln ga quraıdy. Onyń ishinde dándi daqyldar 3 mln ga-ǵa jýyqtaıdy. Maıly daqyldardyń egistik aımaǵy bıyl 39 protsentke artyp, bul kólem shamamen 700 my ga-dy qurady. Burshaqdándi daqyldar 130,5 myń ga egiledi.
