Soltústik Qazaqstan oblysynda qar jaýady
PETROPAVL. QazAqparat – Soltústik Qazaqstan oblysynda qar aralas jańbyr jaýady, dep habarlaıdy QazAqparat Qazgıdrometke silteme jasap.
25 qyrkúıekte túnde Soltústik Qazaqstan oblysynyń keı jerlerinde jaýyn-shashyn (jańbyr, jylbysqy qar) kútiledi. 25-26 qyrkúıekte túnde óńirdiń keı jerlerinde 1-3 gradýs úsik júredi, tuman túsýi yqtımal.
25 qyrkúıekte ońtústik-batystan, batystan jel soǵady, túnde keı jerlerde ekpini 15-20 m/s, kúndiz basym bóliginde 15-20, keı jerlerde ekpini 25 m/sjetýi múmkin. 26 qyrkúıekte kúndiz óńirdik keı jerlerinde jeldiń ekpini 15-20 m/s jetedi.
Petropavl qalasynda 25-26 qyrkúıekte túnde topyraq betinde 1-3 gradýs úsik júredi. 25-26 qyrkúıekte kúndiz ońtústik-batystan, batystan jel soǵady kúshi 15-20 m/s jetýi yqtımal.
