Soltústik Qazaqstan oblysynda halyqtyq serýen ótýde
Soltústikqazaqstandyqtar 30 gradýstyq aıazǵa qaramastan, mańyzdy memlekettik merekelerdiń biri - QR Táýelsizdiginiń 25 jyldyǵyn qarsy alýǵa Ortalyq alańǵa shyqty. Tańerteń saǵat 10-da alańda qalanyń shyǵarmashylyq ujymy óner kórsetken «Bizdiń ortaq úıimiz - Qazaqstan» atty kontserttik baǵdarlama bastalyp ketti.
Dostastyq úıinde etnomádenı birlestikterdiń ókilderi dastarhan jaıdy. Qala mekemeleri mereke qonaqtaryna tegin palaý, baýyrsaq, tushpara men shaı berip, syı kórsetti. 
Kúni boıy kórermenderdiń qatysýymen fleshmobtar, tanymdyq vıktorınalar, anımatorlar, qýyrshaqtar men Halyq drama teatrynyń qatysýymen balalarǵa arnalǵan oıyn-saýyqtyq baǵdarlamalar, kóńildi starttar ótkizilý josparlanǵan. Keshke Táýelsizdik saraıynda «Táýelsizdikke - 25 jyl» merekelik baǵdarlamasy qoıylady. Mereke sońy otshashýmen aıaqtalady. Osyndaı halyqtyq toılanymdar oblystyń barlyq aýdandarynda ótedi.
