Soltústik Qazaqstan oblysynda eń kóp jalaqyny kimder alady
PETROPAVL. QazAqparat - 2016 jyldyń 4-toqsanynda oblystaǵy bir qyzmetkerdiń ortasha aılyq jalaqysy 104 385 teńgeni quraǵan, dep habarlaıdy «QazAqparat» HAA tilshisi statıstıka departamentine silteme jasap.
Salalyq qurylymdaǵy eń joǵary jalaqy qarjy jáne saqtandyrý qyzmetinde belgilengen. Olardyń eńbekaqysy 203 307 teńgeni qurap, ortasha oblystyq deńgeıden 1,9 ese artqan. Odan keıin kólik salasynyń qyzmetkerleri 175 565 teńgemen alǵa shyǵyp tur. Aqparat jáne baılanys salasynyń mamandary 168 082 teńgemen úshinshi oryndy ıelengen.
Eń tómengi jalaqy óner, kóńil kóterý jáne demalys salalarynyń qyzmetkerlerine tıesili. Olar aıyna 75 448 teńge eńbekaqy alǵan, bul oblys boıynsha ortasha kórsetkishten 28%-ǵa tómen. Ákimshilik jáne qosymsha qyzmet kórsetý salasynyń mamandarynda oblys boıynsha ortasha kórsetkishten 23%-ǵa az - 80 707 teńge.
2016 jyldyń 4-toqsanyndaǵy ataýly jalaqy 118,6%-dy, al naqty kórsetkish - 109,3%-dy quraǵan.
