Soltústik Qazaqstan oblysynda daý medıatsııa tártibinde retteldi
ASTANA. QazAqparat - Soltústik Qazaqstan oblysynyń Qyzyljar aýdandyq soty zaem kelisimsharty boıynsha qaryz somasyn óndirip alý týraly azamattyq isti qarady.
2014 jyly qarashada talap qoıýshy men jaýapker arasynda 2014 jyldyń 29 jeltoqsanyna deıin qaryzdy qaıtarý mindettemesimen 17 725 000 teńge somasyna zaem kelisimsharty jasalǵan. Alaıda, búginge deıin qaryz qaıtarylmaǵan.
Sot talqylaýy barysynda talap qoıýshy men jaýapker sotqa daýdy medıatsııa tártibinde retteý týraly kelisimdi usynǵan. Kelisimniń sharty boıynsha jaýapker talap qoıýshyǵa kelesi tártipte 17 725 000 teńge kóleminde zaem somasyn: 7 000 000 teńgeni 2016 jyldyń 25 jeltoqsan merzimine deıin, 5 000 000 teńgeni 2017 jyldyń 25 mamyr merzimine deıin, 5 725 000 teńgeni 2017 jyldyń 1 qazan merzimine deıin tóleýge mindetteledi.
Talap qoıýshyǵa bıýdjetten 177 250 teńge kóleminde ózi tólegen memlekettik baj salyǵy qaıtaryldy.
Sot uıǵarymymen daýdy medıatsııa tártibinde retteý týraly kelisim bekitildi jáne is boıynsha is júrgizý toqtatyldy.
Uıǵarym zańdy kúshine endi.
