Soltústik Qazaqstan oblysynda búldirshin júk poıyzyn apatqa ushyrata jazdady
ASTANA. 25 aqpan. QazAqparat /Janna Qorqytova/ - Soltústik Qazaqstan oblysynda búldirshin balanyń kesirinen júk poıyzy joldan shyǵyp kete jazdady,
dep habarlaıdy QR ІІM Kóliktegi ІІD baspasóz qyzmeti.
«2002 jyly týǵan kámelet jasqa jetpegen bala Taıynsha-Prırechnoe stansysynyń 139 shaqyrymyndaǵy temirjol jelisine shpal qoıyp ketken. Osyǵan baılanysty nómiri 3003 júk poıyzy shuǵyl túrde tejegishti basty», - delingen baspasóz qyzmetiniń aqparatynda.
Osynyń arqasynda poıyz apattan aman qaldy.
Kóliktegi ІІD baspasóz qyzmetinen habarlanǵandaı, balanyń anasy ákimshilik jaýapkershilikke tartyldy. SQO Taıynsha aýdandyq sotynyń úkimimen ákimshilik aıyppul retinde oǵan 20 AEK (30240 teńge) kóleminde aıyp salyndy.
