Soltústik Qazaqstan oblysynda birneshe baǵyttaǵy jol jabyq
PETROPAVL. QazAqparat – Soltústik Qazaqstan oblysynda qolaısyz aýa raıyna baılanysty birqatar avtojol kesheden beri jabyq, dep habarlaıdy QazAqparat tilshisi.
SQO tótenshe jaǵdaılar departamenti baspasóz qyzmetiniń málimetinshe, kórýdiń 50 metrge deıin shektelip, kólik júrgizýshileri úshin qaýipti jaǵdaıdyń týýyna baılanysty 10 naýryzdan bastap birqatar respýblıkalyq mańyzy bar avtojol jabylǵan. Olar:
R-58 «Býlaevo-Vozvyshenka-Molodogvardeıskoe-Kırovo-Qııaly-Roşınskoe» 68-194 km (Vozvyshenkadan Qııalyǵa deıin);
R-60 «Voloshınka-Sergeevka-Tımırıazevo» 0-33 km (Voloshınkadan Krıvoshekovoǵa deıin);
R-61 «Tımırıazevo-Sarykól-Qostanaı oblysynyń shekarasy» 0-32 km (Tımırıazevodan Qostanaı oblysynyń shekarasyna deıin);
M-36 «Ekaterınbýrg-Almaty» (729-768 km, Toqsan bı aýylynan Qostanaı oblysynyń shekarasyna deıin).
11 naýryz saǵat 00.00-den bastap borannyń kúsheıýine baılanysty A-16 «Jezqazǵan - Petropavl» respýblıkalyq avtojolynyń 595-781 shaqyrymy (Aqmola oblysynan Sergeevka qalasyna deıin) jáne oblystyq mańyzy bar 37 jol ýchaskesi jabyldy.
Osyǵan baılanysty qutqarýshylar eldi mekenderden alysqa uzap shyqpaýǵa keńes beredi.
