Soltústik Qazaqstan oblysynda barlyq baǵyttaǵy joldar jabyldy
PETROPAVL. QazAqparat - Soltústik Qazaqstanda aýa raıynyń buzylýyna baılanysty barlyq joldar jabyldy, dep habarlaıdy QazAqparat.
Soltústikte shyńyltyr aıaz kúshine minip tur. Osyǵan baılanysty 2 qańtar saǵat 17:00 bastap barlyq baǵyttaǵy joldar jabylady.
Oblystyq tótenshe jaǵdaılar departamenti aımaq turǵyndaryna eskertý jasady:
- tirshiligińizdi syrtqa shyqpaı, ǵımarattyń ishinde jasaıtyndaı etip yńǵaılańyz;
- balalardy erekshe baqylaýǵa alyńyz;
- eldi mekennen shyǵý jáne kirýdi shekteńiz;
- osy mańyzdy aqparatty kórshilerińizge jetkizińiz, qarttar men syrqattarǵa kómek kórsetińiz.
Esterińizge sala keteıik, 112 qutqarý qyzmeti táýlik boıy jumys isteıdi. Ómirińizge qaýip tónse nemese tótenshe jaǵdaı bolsa, dereý osy qyzmetke qońyraý shalyp, kómek shaqyrý qajet.
