Soltústik Qazaqstan oblysynda astyq jınaý aıaqtaldy
PETROPAVL. QazAqparat - Soltústik Qazaqstan oblysynyń agroónerkásip qurylymdary astyq jınaý jumystaryn aıaqtady, dep habarlaıdy «QazAqparat» HAA tilshisi.
Oblys ákiminiń birinshi orynbasary Aıdarbek Saparov «QazAqparatqa» bıyl óńirde 5,6 mln tonna astyq bastyrylǵanyn málim etti.
«Sońǵy 6 jylda alǵash ret astyq jáne burshaq daqyldarynyń ónimdiligi gektaryna 18,2 tsentnerden artty», - dedi Aıdarbek Saparov.
Jańa ónimdi qabyldaý jáne saqtaý úshin oblysta lıtsenzııasy bar 50 astyq qabyldaý kásiporny daıyndalǵan. Olardyń jalpy syıymdylyǵy 3,4 mln tonnany quraıdy. Qalǵan 3,2 mln tonna astyq agroqurylymdardyń qoımalarynda saqtalady.
«Qazir oblystyq astyq qabyldaý kásiporyndaryna jalpy 1,1 mln astyq jetkizilip otyr. Agroqurylymdar 2018 jyldyń aýylsharýashylyq daqyldaryna bólingen tuqymdy tolyq seýip boldy», - dedi SQO ákiminiń birinshi orynbasary.
Aıdarbek Saparov aýyl sharýashylyǵyn damytý úshin soltústikqazaqstandyq sharýalarǵa memleket tarapynan bıyldyń ózinde 42,5 mlrd teńge bólingenin tilge tıek etti.
«Maıly daqyldardy jınaý jumystary jalǵasyp jatyr. 12 qazan kúngi jaǵdaı boıynsha egin jınalǵan alqaptar 89,6%-ti qurap otyr. Ónimdilik gektaryna 10,2 tsentnerdi quraǵan. Al kúnbaǵysty jınaý jumystary aıaz túsken soń bastalady», - dedi Aıdarbek Saparov.
