Soltústik Qazaqstan oblysynda anasy men qyzyn óltirip ketti
PETROPAVL. QazAqparat – Soltústik Qazaqstan oblysynda 39 jastaǵy áıel men onyń 3 jasar qyzyn qylmysker pyshaqtap óltirgen, dep habarlaıdy QazAqparat tilshisi.
Polıtsııa departamenti baspasóz qyzmetiniń málimetinshe, qaıǵyly jaǵdaı Mámlút aýdanynyń ortalyǵynda bolǵan.
«Úıdiń aýlasyndaǵy qoradan 39 jastaǵy áıel men 3 jasar qyzynyń pyshaqtalǵan deneleri tabyldy. Qylmysqa kúdikti retinde qaza tapqan áıeldiń 25 jastaǵy tanysy ustaldy», - dedi polıtsııa ókili.
Adam óltirý deregi boıynsha sotqa deıingi tergeý amaldary bastalyp ketti. Kúdikti sol aýdannyń turǵyny, buǵan deıin sottalǵany anyqtaldy. Ol aýdandyq polıtsııa bóliminiń ýaqytsha ustaý ızolıatoryna qamaldy.
