Soltústik Qazaqstan oblysynda 705 shaqyrym jol jóndeýden ótedi

ASTANA. QazAqparat – Soltústik Qazaqstan oblysynda jyl sońyna deıin 700-den astam jol jóndeýden ótedi. Bul týraly oblys basshysy Aıdarbek Saparov málim etti, dep habarlaıdy QazAqparat tilshisi.

«Óńirdegi mańyzdy máselelerdiń biri – joldardyń jaǵdaıy. Moıyndaý kerek, sońǵy birneshe jylda jaǵdaı aıtarlyqtaı nasharlady. Sonyń ishinde Petropavldyń joly da bar. Bizdiń óńirdegi avtomobıl joldarynyń jelisi 9 myń shaqyrym ekenin jáne elimizde uzyndyǵy boıynsha ekinshi oryndy ıelenetinin eskerý qajet. Joldardyń jaı-kúıi máselesin birden sheshý múmkin emes», - dedi Aıdarbek Saparov ortalyq kommýnıkatsııalar qyzmeti alańynda ótken baspasóz máslıhatynda.

Ákimniń aıtýynsha, joldardy salý jáne jóndeý baǵytynda birqatar shara qabyldanyp jatyr.

«Bıyl Petropavldaǵy joldardy ortasha jáne aǵymdaǵy jóndeýge burynǵyǵa qaraǵanda 12 ese kóp qarajat bólindi. Kem degende 25 kósheni jóndeımiz. Jalpy, oblys boıynsha jyl sońyna deıin 705 km jol jóndeledi. Onyń ishinde 110 km respýblıkalyq mańyzy bar, 480 km jergilikti jáne 47 aýylda 115 km kentishilik joldardy retke keltiremiz. Osy maqsatqa 40 mlrd teńge bólindi», - deıdi oblysy basshysy.