Soltústik Qazaqstan oblysynda 3 myńnan astam otbasy páter kiltin alady
«Jumystyń mańyzdy bloktarynyń biri - azamattarymyz úshin jaıly ómir súrý jaǵdaıyn jasaý. Onyń ishinde turǵyn úımen qamtamasyz etý, ınfraqurylymdy damytý, bilim berý men medıtsınalyq qyzmet kórsetý deńgeıin arttyrý jáne jumyspen qamtý. Ókinishke qaraı, ótken jyly óńirde josparlanǵan turǵyn úı sany berilmedi. Biz kemshilikterdi qarastyrdyq jáne máseleni sheshý úshin múmkin bolatyn sharalardy qabyldadyq», - dedi Aıdarbek Saparov ortalyq kommýnıkatsııalar qyzmeti alańynda ótken baspasóz máslıhatynda.
Onyń aıtýynsha, bıyl turǵyn úı qurylysyn aıaqtaý jáne bıýdjettik úılerdiń ınjenerlik jelilerin júrgizý úshin qosymsha qarjy bólindi.
«36 kópqabatty turǵyn úı salynady, onyń ishinde 16 kommertsııalyq úı. Bıyl turǵyn úıdi iske qosý jospary - 300 myń sharshy metr. Qurylys sapasyna nuqsan keltirmeı, turǵyn úıdi merziminde iske qosýdy qamtamasyz etý úshin barlyq sharalardy qabyldaımyz. Jyl sońyna deıin 3 myńnan astam otbasy páter kiltin alady. Onyń ishinde 702 páterdi halyqtyń áleýmettik osal toptary arasynda bólemiz. Onyń 140-yn jetim balalar alady. Biraq, bul kólemder de jetkiliksiz. Oblys boıynsha turǵyn úı alýǵa kezekte 20 myńnan astam adam tur. Biz jyl saıyn turǵyn úı alańdaryn salý kólemin ulǵaıtý úshin jumys isteımiz», - deıdi óńir basshysy.
