Soltústik Qazaqstan oblysynda 21 sáýirden bastap karantın rejımi kúsheıtiledi
NUR-SULTAN. QazAqparat - Soltústik Qazaqstan oblysynyń Bas memlekettik sanıtarlyq dárigeriniń qaýlysyna sáıkes, Soltústik Qazaqstan oblysynyń aýmaǵynda 2020 jylǵy 21 sáýirde saǵat 00:00-den bastap kásipkerlik jáne ózge de qyzmet pen halyq turmysynyń erekshe jaǵdaılary qarastyrylǵan karantın rejımi kúsheıtiledi, dep habarlaıdy Memlekettik komıssııanyń shuǵyl shtaby.
Málimetke saı, 21 sáýir kúni saǵat 00:00-den bastap tómendegilerdi qospaǵanda, aýdandardyń jáne Petropavl qalasynyń karantındik aımaqtarynyń aýmaǵynan ketýge/kirýge tyıym salynady:
Halyqtyń tirshiligin qamtamasyz etý uıymdarynyń qyzmetkerleri;
Medıtsınalyq sebeptermen ketetin jáne kiretin adamdar;
Karantın engizilgen kezeńde aýrýhanalarda emdelip, karantındik jáne ýaqytsha aýrýhanalarda baqylaýǵa alynǵan adamdardyń ketýi;
Tranzıttik júk kólikteri;
Halyqtyń qajettilikteri úshin aýyl sharýashylyǵy, azyq-túlik jáne basqa da ónimderi bar júk kólikteri;
Kóktemgi dala jumystaryna, ekologııalyq, veterınarııalyq, aýyl sharýashylyǵy jumystaryna, sonyń ishinde ara sharýashylyǵymen aınalysatyn tulǵalarǵa memlekettik tirkeý týraly kýáligi, jeke kýáligi, sondaı-aq qyzmetkerler úshin jumys ornynan anyqtama usynylǵan kezde júrýge bolady.
Sondaı-aq, áýejaıdyń, temirjol vokzaldarynyń, avtostantsııalar men avtovokzaldardyń qyzmeti toqtatylady.
