Soltústik Qazaqstan oblysynda 200-den astam adamǵa raqymshylyq jasalady
PETROPAVL. QazAqparat - Soltústik Qazaqstan oblysynda 200-den astam adamǵa raqymshylyq jasalady, dep habarlaıdy «QazAqparat» HAA tilshisi. Óńirdegi alty kolonııada 1971 adam jazasyn óteýde. Aldyn ala derekter boıynsha, onyń 230-y raqymshylyq áreketine sáıkes keledi.
«Onyń ishindegi 40 adam bosatylsa, 116 sottalýshynyń jazasyn óteý merzimi qysqartylady. Tizim jasaldy. Úlken emes jáne orta qıyndyqtaǵy qylmys jasaǵan sottalýshylar bosatylady», - dep aıtty SQO QAJD arnaıy tirkeý tobynyń bas mamany Saýle Mýstafına.
Sonymen qatar, raqymshylyqqa turǵyndardyń áleýmettik jaǵynan osal toptary: múgedekter, kámeletke tolmaǵandar, zeınet jasyndaǵy sottalýshylar men kámeletke tolmaǵan balalary bar zań buzýshylar sáıkes keledi.
