Soltústik Qazaqstan oblysynda 171 úıdi sý alǵan
ASTANA. QazAqparat - Ótken táýlikte Aqmola oblysynyń barlyq sý basqan turǵyn úılerinen tasqyn sý burylyp áketildi jáne sorǵyzyldy. Sondaı-aq, Qostanaı jáne Qaraǵandy oblystaryndaǵy 10 turǵyn úı sýdan aryltyldy.
Bul týraly QR ІІM TJK baspasóz qyzmeti habarlaıdy.
26 sáýirdegi jaǵdaı boıynsha Qaraǵandy oblysy Nura aýdany Tassýat aýylyndaǵy 5 úı, Qostanaı oblysy Qarasý aýdany Jambyl kentindegi 7 úı, Shyǵys Qazaqstan oblysy Besqaraǵaı aýylyndaǵy 9 úı sý basqan kúıinde qalyp otyr.
Soltústik Qazaqstan oblysynda Esil ózenindegi sý deńgeıiniń artýynan 171 úıdi sý basty.
Jergilikti jerlerde Tótenshe jaǵdaılar komıtetiniń bólimsheleri, jergilikti atqarýshy organdar, Ulttyq ulan, Jergilikti polıtsııa qyzmetkerleri men jumyldyrylǵan uıymdar jumys isteıdi.
Sý tasqynyna qarsy is-sharalarǵa 1103 adam, 340 birlik tehnıka, 20 sý sorý qurylǵysy jáne 23 júzý quraly jumyldyrylda.
Aqmola oblysynda TJK qutqarý bólimsheleri sýdy sorý, qorǵanysh úımelerin monıtorıngteý, psıhologııalyq kómek kórsetý, «qaýyrt jeli» telefonyn uıymdastyrý jumystaryn júrgizýde. Sondaı-aq Atbasar aýdany Ashykól kentiniń tuǵyndaryn ótkizý, dári-dármekter men azyq-túlik ónimderin jetkizý jumystary jalǵasyp jatyr.
Qostanaı oblysynda TJK Soltústik óńirlik aeromobıldik jedel-qutqarý jasaǵy qutqarýshylarynyń kúshimen Qarasý aýdany Jambyl kentindegi tasqyn sýlardy sorý jumystaryn júrgizýde. Jergilikti atqarýshy organdarmen jáne jumyldyrylǵan uıymdarmen birlesip bir táýlik ishinde 22 430 tekshe metr sý soryp alyndy. Sondaı-aq, qutqarýshylyr Qarasý aýylynda kezekshilikti júzege asyrýda.
Aqtóbe qalasynda Aqtóbe oblysy TJD Órt sóndirý jáne avarııalyq-qutqarý jumystary qyzmetiniń kúshteri saıajaı ýchaskeleri aýdanyndaǵy kólemi 3400 tekshe metr jınalyp qalǵan qar sýyn soryp aldy. Jumystar aıaqtaldy.
Qaraǵandy oblysy TJD qutqarý bólimsheleri jergilikti atqarýshy organdarmen jáne Ulttyq ulannyń № 52859 áskerı bólimimen birlesip 6 úıdiń jertólesinen kólemi 505 tekshe metr sýdy soryp aldy.
Soltústik Qazaqstan oblysy qutqarýshylary kómekke kelgen Respýblıkalyq jedel-qutqarý jasaǵynyń (Almaty q.), Ortalyq óńirlik aeromobıldik jedel-qutqarý jasaǵy (Astana q.) qutqarýshylarymen, sondaı-aq jergilikti atqarýshy organdardyń, Ulttyq ulannyń №6657 áskerı bóliminiń kúshteri men quraldarymen birlesip halyqty jáne úı janýarlaryn evakýatsııalaý, qorǵaý bógenderin nyǵaıtý jáne kóterý, qum salynǵan qaptar tóseý, TJ aımaqtarynda patrýldeý jáne táýlik boıy kezekshilikte bolý jumystaryn júrgizdi.
Shyǵys Qazaqstan oblysy qutqaýshylary Besqaraı aýdany Besqaraı aýylynan sý sorý jumystaryn jalǵastyrýda.
Sý tasqyny kezeńi bastalǵannan beri qaýipti ýchaskelerde qosymsha 40308 metr ýaqytsha bógen turǵyzyldy, ınertti materıaldarmen 214299 dana qum salynǵan qap jınalyp, tóseldi.
