Soltústik Qazaqstan oblysynda 17 sút fermasy salynyp jatyr
ASTANA. QazAqparat – Búginde SQO-da 17 sút fermasy salynyp jatyr. Onyń ishinde 9 ferma paıdalanýǵa bıyl berilmek. Bul týraly oblys basshysy Aıdarbek Saparov málim etti, dep habarlaıdy QazAqparat tilshisi.
«Óńirde osy ýaqytqa deıin 30 zamanaýı ónimdiligi joǵary sút-taýar fermasy ashyldy. Bıyl taǵy 17 ferma salyna bastady. Onyń 9-y jyldyń sońyna deıin iske qosylady. Odan bólek, 3,7 ga alańda ornalasqan gıdroponıkamen jáne klımattyq baqylaýmen birinshi ónerkásiptik jylyjaı kesheniniń qurylysy aıaqtalý satysynda. Fermalardyń aýqymdy qurylysy áleýmettik-kásipkerlik korporatsııasy arqyly qarjylandyrý jónindegi pılottyq jobany iske asyrýdyń arqasynda múmkin boldy. Joba boıynsha paıyzdyq mólsherleme – nebári 2,5%. Qarajat 10 jylǵa deıingi merzimge beriledi, onyń ishinde jeńildik kezeńi – 2 jyl», - dedi Aıdarbek Saparov ortalyq kommýnıkatsııalar qyzmeti alańynda ótken baspasóz máslıhatynda.
Oblys ákiminiń aıtýynsha, agrokásiptik keshen salasynda 31 joba iske asyrylyp jatyr. Jalpy, ınvestıtsııa kólemi – 77,5 mlrd teńge.
«Onyń ishinde qus fabrıkalary, qoı fermalary, kókónis qoımalary, jylyjaılar men sýarý jobalary bar», - dedi ol.
Buǵan deıin habarlaǵanymyzdaı jańa oqý jylynan bastap SQO-da bastaýysh synyp oqýshylary tegin tamaqtanady.
