Soltústik Qazaqstan oblysynda 16 jastaǵy qyz iz-túzsiz joǵalyp ketti
PETROPAVL. QazAqparat - Soltústik Qazaqstan oblysynda 16 jastaǵy qyzǵa izdeý salyndy, dep habarlaıdy QazAqparat tilshisi.
Oblystyq ishki ister departamentiniń baspasóz qyzmeti bergen aqparatqa sáıkes, Petropavlda Krıstına Maslennıkova 6 qazan kúni úıinen shyǵyp ketken.
Qyzdyń belgileri: aq sary tústi shashy ıyǵynan tómen túsip turady, qoı kózi. Ústinde qara penjek, qara shalbar jáne týflı, ıyǵynda qara rıýkzagy bolǵan.
Polıtsııa K. Maslennıkovanyń qaı jerde ekeni týraly aqparatqa ıe adamdardan «102» nómirine habarlasýyn suraıdy.
Eske sala keteıik, bıylǵy kúzde Petropavlda buǵan deıin de birneshe ret jasóspirimder joǵalǵan bolatyn. Jýyrda ǵana polıtseıler bir kúnde habar-osharsyz ketken úsh jetkinshekke izdeý saldy. Qyrkúıekte tártip saqshylary bes kún boıy týystarymen baılanyspaı júrgen 17 jastaǵy stýdent qyzdy qaıtarǵan edi.
