Soltústik Qazaqstan oblysyna joldardy jóndeýge 10 mlrd teńge qarjy bólindi

Saıranbek Barmaqov jalpy Qazaqstanda jáne SQO-daǵy joldar qurylysy boıynsha atqarylyp jatqan jumystar týraly baıandady. Ol Elbasy Joldaýynda jol salasyna basa nazar aýdarylǵanyn atap ótti. Jalpy 4 400 shaqyrym jol qamtylady.

Onyń aqparatyna súıensek, 2020 jylǵa qaraı 7 myń shaqyrym jol aqyly bolady. Ústimizdegi jyldyń sońyna qaraı «Astana-Temirtaý», «Almaty-Qapshaǵaı», «Almaty-Qorǵas» joldaryn aqyly etý josparlanýda. 2018 jyly taǵy 5 jolǵa aqy alynatyn bolady. Bul joldarǵa «Şýchınsk -Petropavl-RF shekarasy»,  «Qostanaı- RF shekarasy», «Batys Eýropa-Batys Qytaı», «Taldyqorǵan-Óskemen», «Astana-Pavlodar», «Pavlodar-Semeı», «Semeı - Óskemen» aýmaǵy kiredi.

«Aqyly joldarda jol kólik apaty az oryn alady. Olardy qamtamasyz etý úshin memleket aqsha bólmeıtin bolady. Mysaly, «Astana-Şýchınsk» tasjoly jyl saıyn 1,2 mlrd teńge qarjy túsirýde. Bul soma joldy kútip ustaý shyǵynyn tolyǵymen óteıdi», - dedi Saıranbek Barmaqov.

QR IDM Avtomobıl joldary komıteti tóraǵasynyń orynbasary Soltústik Qazaqstan oblystyq jol uıymynyń qyzmetine oń baǵa berdi.

«SQO - jolaýshylar shaǵymy joq oblystardyń biri bolyp sanalady. Joldarda qamtamasyz etý máselesine jaqsy jolǵa qoıylǵan. Jol-kólik apatynyń sany 30%-ǵa qysqarǵan. Sý tasqynynyń saldarynan oırandalǵan jerler qalpyna keltirilgen. Tek «Petropavl-Sokolovka» kópiri qaldy. Bıylǵy jyly josparymyzda bar, oǵan 444 mln teńge qarjy bólindi. Ol da salynady», - dep atap ótti Saıranbek Barmaqov.

SQO Jolaýshylar kóligi jáne avtomobıl joldary basqarmasy habarlaǵandaı, bıylǵy jyly oblystyq jáne aýdandyq mańyzy bar joldardy jóndeý úshin 10,7 mlrd teńge bólingen. 647 shaqyrym jol jóndeýden ótedi. Bul kórsetkish ótken jylmen salystyrǵanda, eki ese kóp.