Soltústik Qazaqstan oblysyna alǵashqy qar tústi
PETROPAVL. QazAqparat – Dúısenbi kúni Soltústik Qazaqstan oblysynyń Aıyrtaý aýdanyna alǵashqy qar tústi, dep habarlaıdy QazAqparat.
«Qazgıdromet» RMK fılıalynyń aqparatyna sáıkes, meteostantsııa Saýmalkól aýylyna azdaǵan qar túskenin tirkegen.
Sınoptıkter málimetinshe, 28 qyrkúıek kúni óńirde qolaısyz aýa raıy kútiledi. Túnde oblystyń ońtústik bóliginde, kúndiz basym bóliginde qar aralas jańbyr jaýady. Shyǵystan, soltústik-shyǵystan sekýndyna 15-20 metr jyldamdyqpen jel soǵady. Túnde oblystyń ońtústik-batysynda, kúndiz basym aýmaǵynda jeldiń ekpini 23-28 m/s deıin jetedi. Túnde aýa temperatýrasy 0-5 gradýs jylyny quraıdy, oblystyń soltústik-shyǵysynda 3 gradýs aıaz bolady. Kúndiz 3-8 gradýs jyly.
Petropavlda ala bultty bolady, kúndiz qar men jańbyr boljanady. Ekpindi jel soǵady. Kúndiz qalada termometr baǵany 6-8 jylyny kórsetedi. Túnde 2-4 gradýsqa deıin sýıdy.
Eske salaıyq, 27 qyrkúıek kúni Aqmola oblysyna alǵashqy qar tústi.
Sınoptıkter 28 qyrkúıekte 9 óńirde aýa raıy buzylatynyn eskertip otyr.
Avtory: Olesıa Jýkoven
