Soltústik Qazaqstan oblysy Qytaıǵa tazartylǵan maı eksporttaıdy
ASTANA. QazAqparat - Soltústik Qazaqstan oblysynyń basshylyǵy jergilikti tazartylǵan maıdy Qytaıǵa eksporttaýdy kózdep otyr, dep habarlaıdy QazAqparat tilshisi.
«Maıly daqyldardy qaıta óńdeýden ótkizetin Qazaqstandaǵy eń úlken zaýyt bizdiń oblysta ornalasqan. Jaqynda ǵana zaýyttaǵy rafınadtaý tsehyn iske qostyq. Jyl boıy jalpy kólemi 100 myń tonna shıkizatty óńdep, Qytaıǵa tazartylǵan maı eksporttaýdy josparlap otyrmyz», - dedi oblys ákimi Qumar Aqsaqalov Ortalyq kommýnıkatsııalar qyzmetinde ótken baspasóz máslıhatynda.
Sonymen birge, óńir basshysy bıylǵy aýyl sharýashylyǵynyń jalpy ónim kólemi boıynsha esep berdi.
«Bıylǵy 7 aıda agroónerkásiptik keshende aýyl sharýashylyǵynyń jalpy ónim kólemi 81 mlrd teńgeni qurady. Investıtsııalar túsimi - 32 mlrd teńgeni, jeke kólem ındeksiniń ósimi 23,9%-dy qurady», - dep tolyqtyrdy ákim óz sózin.
