Soltústik Qazaqstan oblysy bes jylda problemalyq joldar máselesin tolyq sheshpek
ASTANA. QazAqparat - 2015 jyly SQO-da 700 shaqyrym jol jóndeledi. Bul týraly búgin Ortalyq kommýnıkatsııalar qyzmetindegi brıfıngte Soltústik Qazaqstan oblysynyń ákimi Erik Sultanov málim etti.
Ákimniń sózine qaraǵanda, bıyl avtokólik joldaryna 6 mlrd. teńge jumsalyp, jergilikti mańyzdaǵy 290 shaqyrym jol jóndeldi. Sonymen qatar «Astana-Petropavl», «Jezqazǵan-Petropavl» respýblıkalyq mańyzdaǵy joldardyń qıylysynda jańa jolaıryq salyndy.
«Alaıda, búginde oblysta joldardyń jartysynan astamy qanaǵattanarlyq jaǵdaıda emes. Problemany sheshý úshin aldaǵy jyly bıýdjet esebinen biz qarjylandyrýdy aıtarlyqtaı arttyryp, 700 shaqyrymǵa jýyq jolǵa jóndeý júrgizýdi josparlap otyrmyz», -dedi ákim.
E. Sultanovtyń sózine qaraǵanda, bes jyldyń ishinde problemalyq joldar boıynsha máseleler tolyq sheshimin tappaq.
