Soltústik Qazaqstan monopolısterine gaz ben jaryq baǵasyn kóterýge ruqsat berilmedi
PETROPAVL. QazAqparat - «Sevkazenergosbyt» JShS jáne «Soltústik Energo Ortalyq» JShS-niń 1 sáýirden bastap tarıfti kóterý týraly ótinimderi qaraýsyz qaldyryldy.
Bul týraly «QazAqparat» HAA tilshisi SQO boıynsha QR UEM Tabıǵı monopolııalardy retteý jáne básekelestikti qorǵaý komıtetine silteme jasap habarlaıdy.
«Atalǵan sýbektiler áleýmettik mańyzy bar naryqtaǵy baǵa belgileý erejelerine sáıkes, departamentke 2017 jyldyń 1 sáýirinen bastap joǵaryda kórsetilgen qyzmetter tarıfin kóterý týraly habardar etti. Kásiporyndar qajetti materıaldar men esepterdi ákelmegendikten, departament erejeniń 9 pýnktine sáıkes habarlamany qaraýsyz qaldyrdy», - dep túsindirdi antımonopolııalyq mekeme.
Eske sala ketsek, Soltústik Qazaqstan oblysynda «Sevkazenergosbyt» JShS elektr energııasy baǵasyn 3,8%, «Soltústik Energo Ortalyq» - 5% kóterýdi josparlaǵan edi. «Gorgaz-servıs» JShS tarıfti 29,5% kóterýdi qarastyrǵan.
