Soltústik Qazaqstan men Jambyl oblystarynda jel kúsheıip, burshaq jaýady
NUR-SULTAN. QazAqparat – Soltústik Qazaqstan men Jambyl oblysynda aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
28 sáýirde Soltústik Qazaqstan oblysynda kúndiz basym bóliginde jańbyr, keı jerlerde qatty nóser jaýýy yqtımal. Túnde jáne tańerteń keı jerlerde tuman kútiledi. Keı jerlerde naızaǵaı jarqyldaıdy. Ońtústik-shyǵystan soǵatyn jel ońtústik-batys baǵytyna aýysady, kúndiz keı jerlerde kúshi 15-20 m/s jetýi múmkin.
28 sáýirde Jambyl oblysynyń keı jerlerinde ońtústik-batys, batystan jel soǵady, kúshi 15-20 m/s jeted, tańerteń jáne kúndiz ekpini 23-28 m/s bolady. Keı jerlerde naızaǵaı jarqyldap, burshaq jaýýy múmkin.
Sol kúni kúndiz Taraz qalasynda ońtústik-batys, batystan jel soǵady, ekpini 15-20 m/s, tipti 23 m/s jetedi. Keı ýaqytta naızaǵaı jarqyldap, burshaq jaýýy yqtımal.
