Soltústik Qazaqstan men Aqmola oblystarynyń ákimderi fýtbol matchynda oınady
PETROPAVL. QazAqparat - Soltústik Qazaqstan oblysynyń ákimi Qumar Aqsaqalov Facebook-tegi paraqshasynda bos ýaqytynda qandaı sport túrimen aınalysatynyn aıtty, dep habarlaıdy QazAqparat tilshisi.
Oblys ákiminiń paraqshasynda 2 myńǵa jýyq jazylýshy bar. Q.Aqsaqalov áleýmettik jelidegi akkaýntyn jaqynda ashty. Ol oqyrmandaryna jumys barysy týraly, tipti bos ýaqytyn qalaı ótkizetinin de aıtyp otyrýǵa tyrysady. Óńir basshysy sportpen belsendi túrde aınalysatyn bolyp shyqty.
«Sportty jaqsy kóremin, salaýatty ómir saltyn ustanamyn. Ásirese, komandalyq sport túrleri unaıdy. Hokkeı, voleıbol jáne fýtbol oınaımyn. Sondaı-aq, úlken tennıspen de aınalysamyn. Jumys kúni aıaqtalǵannan keıin jáne demalys kúnderi áriptesterimmen sport alańdarynda kezdesemiz. Ózimizdiń túngi hokkeı lıgamyz bar. Onda áýesqoılar oınaıdy, degenmen sporttyq jarystar kásipqoı sporttan kem túspeıdi», - dep jazdy oblys ákimi Facebook-te.
Keshe soltústikqazaqstandyq sheneýnikter Aqmola oblysyndaǵy áriptesterimen hokkeı oınaǵan.
«Keshe bizge Aqmola oblysynyń ákimi Ermek Marjyqpaev bastaǵan delegatsııa keldi. Ermek Boranbaıulymen birge hokkeıden joldastyq kezdesýge qatystyq. Aqmola oblysy men SQO komandalary oınady. Muz aıdynyna memlekettik jáne quqyqqorǵaý organdarynyń basshylary shyqty. Óte qyzyqty oıyn boldy», - dep jazdy Q.Aqsaqalov.
Avtory Olesıa Jýkoven
