Soltústik Qazaqstan: Qańtardyń ekinshi onkúndiginde kún jylynady
PETROPAVL. QazAqparat - «Qazgıdromet» RMK Soltústik Qazaqstan oblysyndaǵy fılıalynyń sınoptıkteri óńirdiń aýa raıy qandaı bolatyny týraly aıtty, dep habarlaıdy QazAqparat tilshisi.
Sınoptıkterdiń málimetinshe, oblysta ortasha aılyq temperatýra normaǵa sáıkes - mınýs 14-17 gradýs bolady.
Aıdyń alǵashqy onkúndiginiń ekinshi jartysynda aýanyń temperatýrasy túnde 15-23 gradýs, keıbir jerlerde 28 gradýsqa deıin tómen bolady. Kúndizgi temperatýra 10-15 gradýs, keı jerlerde - 18 gradýs aıaz bolady.
Qańtar aıynyń ekinshi onkúndiginiń basynda Soltústik Qazaqstan oblysynda kún jylynady. Kúndiz 7-12 gradýs aıaz bolsa, keıbir jerlerde -17 gradýsqa deıin tómendeıdi. Túnde synap baǵanasy 13-18 gradýsqa deıin tómendese, keı jerlerde 23 gradýs aıaz bolady. Odan keıin aýa raıynyń túnde 25-30 gradýsqa deıin, kúndiz keı jerlerde 18-23 gradýsqa deıin tómendeýi kútilip otyr. Ekinshi onkúndiktiń sońynda aýa temperatýrasy joǵarylaıdy.
Qańtardyń úshinshi onkúndiginde aıaz bolady. Onkúndiktiń basynda kúndizgi temperatýra 10-15 gradýs, túnde - 25 gradýs aıazdy kórsetedi. Odan keıin taǵy salqyndap, túnde 32 gradýs, kúndiz -25 gradýs aıaz bolýy múmkin.
Oblysta túsetin jaýyn-shashyn normaǵa sáıkes bolady. Ekinshi jáne úshinshi onkúndiktiń ortasynda keı jerlerde qar jaýyp, burqasyn bolady, batys jaqtan 15-20 m/s jyldamdyqpen jel soǵady. Birinshi onkúndiktiń ekinshi jartysynda keı jerlerde tuman bolady.
Avtor: Olesıa Jýkoven
