Soltústik Karolınada qoltyraýyndar golf alańynda aıqasty
ASTANA. QazAqparat - Amerıkanyń Soltústik Karolına shtatynda golfsúıer qaýym eki qoltyraýynnyń aıqasyna kýá boldy.
Jyrtqyshtar oıynǵa arnalǵan alańdaǵy sý qoımasy jaǵasynda aıqasqan, dep habarlaıdy UPI.
Baqylaýshylardyń aıtýynsha, bir qoltyraýynnyń uzyndyǵy úsh jarym metrden astam. Al onyń qarsylasy shamamen bir metrge qysqa. Ol ózinen iri qoltyraýynnyń qaqpansha qysqan jaǵynan bosap shyqqysy keldi, biraq ony jibermedi.
Qoltyraýyn qozǵalyssyz qalǵanda, golfshiler óldi dep oılaǵan. Biraq, bir mınýttan soń aıqas qaıta jandandy. Qoltyraýyn qarsylasynan sytylyp shyǵyp, júzip ketti.
Golf oıynshylarynyń biri muny vıdeoǵa túsirip, óziniń YouTube-arnasyna jarııalady.
