Soltústik Karolına shtatynda daýyl saldarynan 245 myńǵa jýyq úı jaryqsyz qaldy
NЬıÝ-IORK. QazAqparat – Dúısenbi túninde Amerıkanyń Soltústik Karolına shtatynyń jaǵalaýynda Isaias daýyly bastaldy, dep habarlaıdy QazAqparat CNN-ge silteme jasap.
Atlant muhıtynda qalyptasqan daýyl kezindegi jeldiń jyldamdyǵy sekýndyna 38 metrge deıin jetip otyr. Quıyn soltústik-shyǵysqa qaraı bet alady degen boljam bar.
PowerOutage.US málimetinshe, 245 myńǵa jýyq úı elektr jaryǵynsyz qalǵan.
Daýyl bolatyny týraly eskertý tek Soltústik Karolınada ǵana emes, Ońtústik Karolına, sondaı-aq Nıý-Iork qalasynda jarııalanǵan.
Meteorologtardyń málimetinshe, Nıý-Iorktegi daýyl kezinde jeldiń jyldamdyǵy AQSh-ta segiz jylǵa jýyq ýaqyt buryn bolǵan «Sendı» alapat quıyny kezinde bolǵan jyldamdyqtan asýy múmkin.
