Soltústik Kalıfornııada ormandar órtenip jatyr

BRıÝSSELЬ. QazAqparat - Aýa temperatýrasynyń joǵarylaýy, qurǵaqshylyq pen jaýyn-shashynnyń bolmaýy Qostanaı oblysynda ǵana emes, birqatar basqa elderde de orman órtterin týdyrdy, dep habarlaıdy QazAqparat tilshisi.

Soltústik Kalıfornııada (AQSh) senbi kúni eki orman órti tirkeldi. Aýyl turǵyndary evakýatsııalandy.

Amerıkalyq telearnalardyń habarlaýynsha, órt Sıskııý aýdanynda bolǵan. Shtat gýbernatory Gevın Nıýsom okrýgte tótenshe jaǵdaı jarııalady, órt saldarynan birneshe beıbit turǵyn zardap shekti. Olar jaqyn mańdaǵy aýrýhanaǵa jetkizildi.

Órt sóndirýshilerdiń málimetinshe, órt 4000 gektarǵa jýyq aýmaqty sharpyǵan. Senbi kúni tańerteńgi jaǵdaı boıynsha órt 20%-ǵa oqshaýlandy. Turǵyndardy evakýatsııalaý týraly buıryq áli de kúshinde.

Sońǵy jyldary dúnıejúzinde órtterdiń sany kúrt ósti, tamyz aıynyń ortasynda 2300-den astam órt tirkeldi, bul 2006-2021 jyldardaǵy 1349 órttiń ortasha kórsetkishinen áldeqaıda joǵary.

Klımattyń ózgerýi Eýropada orman órtterin týyndaýyna túrtki boldy. Bıylǵy órtterdiń kóbine aptap ystyq pen qurǵaqshylyq sebep boldy. Eýropalyq komıssııanyń birlesken zertteý ortalyǵynyń aıtýynsha, bul sońǵy 500 jyldaǵy eń joǵary kórsetkish.

Arnur Rahymbekov