Soltústik Irlandııada saýda ortalyǵynyń janynda jarylǵysh zat qoıylǵan avtokólik jaryldy

dep habarlaıdy Sky News . Ǵımaratqa eleýli zııan kelgenimen, zardap shekkender joq.

Jarylys qazannyń 5-inde tún ortasy aýa bergende Derrı qalasyndaǵy (Londonderrı dep te atalady) DaVinci saýda ortalyǵynyń janynda oryn aldy. Jarylǵysh zat qoıylǵan Opel Corsa avtokóligi ǵımarattyń Olster banki (Ulster bank) jaq betkeıinde turǵan edi.

Qala ákimshiligi ókilderiniń aıtýynsha, polıtsııa jarylys týraly bir saǵat buryn habardar bolǵan. Jarylǵysh oryn alǵan ýaqytta barlyq turǵyndar men saýda ortalyǵyna kelýshiler qaýipsiz jerge áketilip, oqıǵa orny qorshaýǵa alynǵan edi. Ázirshe jarylysqa jaýapkershilikti eshkim moınyna alyp otyrǵan joq.