Soltústik Irlandııa túsik jasaýǵa ruqsat berildi

NUR-SULTAN. QazAqparat - Soltústik Irlandııa túsik (abort) jasaýdy qylmystar qatarynan alyp tastap, bir jynysty nekege ruqsat berdi. Birikken patshalyqta jasandy túsikke tyıym salǵan jalǵyz Soltústik Irlandııa edi. Tıisti zań22 qazanda kúshine endi, dep jazady BBC News.

Osy kúnge deıin Soltústik Irlandııada júktilikti úzý jeke tulǵaǵa qarsy qylmys sanalyp keldi jáne abort jasaǵandar qylmystyq jazaǵa tartylatyn edi. Abort jasaýǵa tek áıeldiń ómirine qaýip tóndirgen jaǵdaıda ǵana ruqsat beriletin.

«Endi Soltústik Irlandııa bıligi júktilikti úzý qyzmetin usyný erejesin jasaýy kerek. Bul protsess naýryz aıyna deıin júrgizilmek. Al bir jynysty neke týraly zań 2020 jyldyń 13 qańtaryna deıin qabyldanady dep josparlanýda» dep jazady basylym.

Avtordyń aıtýynsha, patshalyqtyń basqa óńirlerinde — Anglııa, Shotlandııa jáne Ýelste bir jynysty nekege 2014 jyly ruqsat berilgen.