Soltústik Irlandııa - Qazaqstan fýtbol quramasynyń Eýropadaǵy 42-qarsylasy

ASTANA. QazAqparat - Soltústik Irlandııa Qazaqstan quramasynyń Eýropa qurlyǵyndaǵy 42-shi qarsylasy bolady. Búgin eki qurama 2024 jylǵy Eýropa chempıonatynyń irikteý satysy tórtinshi týrynda kezdesedi, dep habarlaıdy QazAqparat tilshisi.

Soltústik Irlandııa - Qazaqstan quramasynyń Eýropa qurlyǵyndaǵy 42-qarsylasy bolmaq. Qazaqstan quramasy buǵan deıin Eýropadaǵy 41 quramamen kúsh synasty.

Ázirge qazaqstandyqtar Gıbraltar, Izraıl, Ispanııa, Italııa, Kosovo, Lıhtenshteın, Lıýksembýrg, Norvegııa, Soltústik Irlandııa, Soltústik Makedonııa, Ýels jáne Shveıtsarııa quramalarymen oınaǵan joq.

Aıta ketsek, Soltústik Irlandııa - Qazaqstan matchynyń tikeleı kórsetilimi Astana ýaqytymen saǵat 00:35-te bastalady. Ony «Qazsport» telearnasynan kórýge bolady.

Qazirge deıin el quramasy úsh oıyn ótkizdi.

Qazaqstandyq fýtbolshylar óz alańynda Slovenııadan 1:2 esebimen jeńilip, Danııany 3:2 esebimen tize búktirgen edi. Odan keıin syrt alańda San-Marınony 3:0 esebimen jeńdi.

Endi el quramasy oıyn kórsetetin H tobynda 19 maýsymda Slovenııa men Danııa, Fınlıandııa men San-Marıno kezdesedi.