Soltústik Eýropada kúshti daýyl turyp, 130 myńnan astam otbasy jaryqsyz qaldy
BRıÝSSELЬ. QazAqparat - Demalys kúnderi Ulybrıtanııa, Danııa, Polsha jáne Germanııada bolǵan daýyl júz myńnan astam úıdi jaryqsyz qaldyrdy, dep habarlaıdy QazAqparat menshikti tilshisi jergilikti BAQ-qa silteme jasap.
Saǵatyna 135 shaqyrymǵa jetetin ekpindi daýyl Edınbýrgten soltústikke qaraı 200 shaqyrymdaı jerde ornalasqan Shotlandııanyń Aberdın qalasyna jaqyn jerge aıtarlyqtaı shyǵyn keltirdi. 130 myńnan astam otbasy men kásiporyndar elektr jaryǵynsyz qaldy.
Elektr jelileri qulaǵan aǵashtardan búlingendikten, jaryqty sóndirý bir kúnnen astam ýaqytqa sozyldy.
Poıyz qozǵalysy da buzylyp, birneshe jol jabyldy. Jergilikti polıtsııa turǵyndarǵa úıde bolýǵa keńes berdi.
«Malık» daýyly Nıderlandynyń soltústigi men shyǵysyn kóp shyǵynǵa ushyratty. Kóp jaǵdaıda úıler búlinip, jolda qıyndyqtar týyndady.
Danııa da daýyldyń saldarymen kúresýde. Kopengagen aımaǵynda barlyq poıyz toqtatyldy. Danııa men Shvetsııany baılanystyratyn kópir saqtyq sharasy retinde jabyldy.
