Soltústik Amerıkada Jerdegi eń kári ósimdik tabyldy
ASTANA. Jeltoqsannyń 29-y. QazAqparat - Amerıkandyq bıologtarǵa Jerdegi eń ejelgi ósimdikti tabýdyń sáti tústi. Ol sarapshylardyń baǵalaýynsha, jasy 13 myń jyldyq emen bolyp shyqty,
dep habarlaıdy QazAqparat Lenta.Rý saıtyna silteme jasap.
Zertteý jumystary aıasynda bıologtardy Reseıdiń orta beldeýinde kezdesetin úırenshikti emenderden erekshelenetin Quercus palmeri (Palmer emeni) túriniń oqshaýlanǵan ósip-ónýi qyzyqtyrdy. Bul túr syrttaı qaraǵanda butaǵa uqsaıdy.
Kalıfornııanyń shalǵaıdaǵy taýly óńirinde ósetin osy emenniń ósip-ónýine jasalǵan taldaý osy aımaqtaǵy ósetin barlyq ósimdikter býdansyz kóbeıý saldarynan paıda bolǵanyn anyqtaýǵa - is júzinde bir ósimdik dep sanaýǵa múmkindik berdi. Odan ári jasalǵan baqylaý Quercus palmeri ósimdigi bul jerde keıingi pleıstotsen kezeńinde paıda bolǵanyn anyqtaýǵa múmkindik berdi.
Buǵan deıin de keıbir oqshaýlanǵan ósimdikterdiń túrleri barynsha kári bolýy múmkin dep uıǵarylyp kelgen, alaıda ony dáleldeýdiń sáti endi tústi. Ǵalymdar ósimdikterdiń jańa paıda bolǵan kezinde bul óńirde aýanyń tym salqyn bolǵanyn, sondyqtan emenniń qarqyndy býdansyz kóbeıýiniń arqasynda ǵana saqtalǵanyn atap aıtady.
