Soltústik Amerıkada qus tumaýynan alǵashqy adam ólimi tirkeldi
ASTANA. 9 qańtar. QazAqparat - Soltústik Amerıka aýmaǵynda N5N1 qus tumaýynan kóz jumǵan alǵashqy adam tirkeldi, dep habarlady Bı-Bı-Sı.
Bıliktegiler qaza bolǵan jan týraly eshqandaı málimet bermeı otyr, tipti onyń jynysy men jasy da belgisiz.
Eldiń densaýlyq saqtaý mınıstri Ron Embroýzdyń sózine qaraǵanda, atalǵan jaǵdaı Alberta provıntsııasynda bolǵan. Qus tumaýynan ajal qushqan adamnyń jaqynda Beıjińnen kelgeni belgili boldy. Aýrý Qytaıdan Kanadaǵa kele jatqan kezde, ushaqta 27 jeltoqsan kúni belgi bere bastaǵan. Al 1 qańtarda naýqas aýrýhanaǵa jatqyzylyp, eki kúnnen soń qaıtys boldy.
R.Embroýz derttiń taralý qaýpi aıtarlyqtaı tómen dep sendirip otyr. Atalǵan jaǵdaıǵa baılanysty Kanada tarapy Qytaı bıligimen baılanysqa shyqty.
Albertada osy qysta 10 adam N1N1shoshqa tumaýynyń qurbany bolǵan degen derek bar. Búkilálemdik densaýlyq saqtaý uıymynyń málimeti boıynsha, N5N1 qus tumaýymen aýyrǵanda 60 paıyzǵa jýyq jaǵdaıda onyń arty ólimge aparyp soǵady.
Qus tumaýy Ońtústik-shyǵys Azııa elderinde 2000-jyldardyń bas kezinde keń tarady. Vırýstyń bul túri Qytaı aýmaǵynda áldeqaıda kóp taraǵan.
