Soloveva: Óńirlerde qoǵamdyq keńesterdi ákimdikter janynan qurǵan jón

ASTANA. QazAqparat - Óńirlerdegi qoǵamdyq keńesterdi ákimdikter janynda qurý kerek. Búgin «Aımaq» óńirlik damý men jergilikti ózin-ózi basqarýǵa járdemdesý qorynyń tóraıymy Aıgúl Soloveva osylaı málim etti, dep habarlaıdy QazAqparat.

«Men qoǵamdyq keńester máslıhattar janynda bolýy tıis degen tujyrymmen kelise bermeımin. Sebebi bul turǵyda eki palataly máslıhat  degen oı keledi. Qoǵamdyq keńester táýelsiz bolýy tıis nemese ákimdikter janynan qurylýy kerek dep sanaımyn. Óıtkeni olar keńes bere otyryp, atqarýshy bılik organy qalyptastyratyn baǵdarlamalarǵa jumyldyrylady. Ortalyq deńgeıde durys sheshim jasalǵan, ıaǵnı qoǵamdyq keńester ortalyq ogandar janynda qurylǵan, al óńirlik deńgeıde olardy máslıhattar janyna jumyldyrǵan», - dedi ol «Úshinshi jańǵyrý aıasyndaǵy konstıtýtsııalyq reforma» atty dóńgelek ústel barasynda.

Osy oraıda ol máslıhattar derbes bolýy tıistigin jáne jańǵyrý úderisterin júzege asyrý úshin qoǵamda bolyp jatqan protsesterge tıisti is-qımyldar jasaýy kerektigin aıta kele, óńirlik deıgeıde máslıhattar ákimdikterden tıisti dárejede araqashyqtyqty saqtaýy qajet ekenin túsindirdi.

Onyń paıymynsha, jańǵyrý - damýdyń belgili bir vektoryn aıqyndap otyr jáne osy baǵyttaǵy qadamdarǵa azamattyq qoǵam da belsendi qatysatyn bolady.