Solomon araldarynyń jaǵalaýynda terbelisi 6,2 balldyq jer silkinisi boldy
ASTANA. 21 shilde. QazAqparat - Solomon araldarynyń jaǵalaýynda terbelisi 6,2 balldyq jer silkinisi boldy. Jerasty dúmpýi Kıra qalasynan soltústik-shyǵysqa qaraı 27 shaqyrym qashyqtyqta tirkeldi.
Bul týraly AQSh Geologııalyq qyzmeti habarlaıdy, dep jazady RBK.
Zilzala oshaǵy 54,5 shaqyrym tereńdikte ornalasty. Qurbandar men qırandylar týraly ázirge aqparat joq, tsýnamı bolatyny jóninde habarlanbaǵan.
Solomon araly seısmıkalyq qaýipti aımaqta ornalasqan. Jer silkinisi munda jıi bolyp turady. 2010 jyldyń qańtarynda bul jerde qýatty jer silkinisi tirkeldi. Ol kezde jerasty dúmpýiniń terbelisi 7,2 balldy quraǵan bolatyn.
