Solomon araldarynda magnıtýdasy 6,1 bolatyn jer silkinisi tirkeldi
ASTANA. KAZINFORM – Tynyq muhıtyndaǵy Solomon araldarynda magnıtýdasy 6,1 bolatyn jer silkinisi boldy, dep habarlaıdy Sınhýa agenttigi Germanııanyń geoǵylymdardy zertteý ortalyǵyna (GFZ) silteme jasap.
Mamandardyń málimetinshe, jer asty dúmpýleri 11 qazan kúni Grınvıch ýaqytymen saǵat 14:07-de tirkelgen. Astana ýaqytymen bul – 19:07.
Aldyn ala málimet boıynsha, jer silkinisiniń epıtsentri ońtústik endiktiń 6,99 gradýsy men shyǵys boılyqtyń 155,74 gradýsy túıisken núktede ornalasqan.
Jer silkinisiniń oshaǵy 10 shaqyrym tereńdikte bolǵan.
Ázirge zardap shekkender men qıraǵan ǵımarattar týraly aqparat túsken joq. Tsýnamı qaýpine qatysty da resmı málimet jarııalanbaǵan.
Aıta keteıik, buǵan deıin 16 tamyzda Tynyq muhıtyndaǵy Vanýatý aral memleketiniń jaǵalaýynda magnıtýdasy 6,1 bolatyn jer silkinisi tirkelgen edi. Jerasty dúmpýiniń oshaǵy 188 shaqyrym tereńdikte ornalasqan.
