«Solnechnyı mır» qoǵamdyq qory elordada qaıyrymdylyq jármeńkesin ótkizdi
Sharany «Asyl bala» respýblıkalyq qoǵamdyq qorynyń qoldaýymen «Solnechnyı mır» qoǵamdyq qory uıymdastyrdy.
«Bastapqyda bizdiń qorymyz Daýna sındromyna shaldyqqan balalardy tárbıeleıtin ata-analardyń bastamashyl toby retinde qurylǵan bolatyn. Ótken jyly jeltoqsan aıynda qorymyz tirkelgennen keıin balalarymyzdyń múúdelerin resmı qorǵaı bastadyq. Búgingi jármeńke sheberlerdiń, ata-analardyń, «Zelenyı kot» shyǵarmashylyq stýdııasynyń, «Eýrazııa» saýda úıiniń, «Asyl bala» respýblıkalyq qaýymdastyǵynyń jáne bizdiń dostarymyzdyń arqasynda ótkizildi. Buıymdardy satýdan túsken búgingi qarjy Daýna sındromyna shaldyqqan balalardy damytýǵa jáne olarǵa qoldaý kórsetýge jumsalatyn bolady», - dedi «Solnechnyı mır» qoǵamdyq qorynyń dırektor Evgenııa Chebotareva.
Qoǵamdyq qor aqparatyna qaraǵanda jármeńkede jurtshylyq elordalyq sheberlerdiń qolynan shyqqan túrli buıymdardy satyp aldy. Al jármeńkege kelgen kishkentaı qonaqtardyń kóńilin merekelik kontsert pen ázilkeshter kóterdi.