Solnechnyı kentindegi mektepte jylytý júıesi qalpyna keltirildi - ShQO
ASTANA. Aqpannyń 1-i. QazAqparat - Búgin, aqpannyń 1-inde Shyǵys Qazaqstan oblysy Jarma aýdanyna qarasty Solnechnyı kentinde №236-shy orta mektepte jylytý júıesi qalpyna keltirildi,
dep habarlady QR TJM-nyń baspasóz qyzmetinen.
Vedomstvonyń aqparatyna sáıkes dúısenbige deıin mektepke jylý berý úshin jylytý trassasynyń 9 myń metr qubyry jylý ótkizbeıtin materıaldarmen qymtaldy.
Esterińizge sala keteıik, ótken qańtar aıynyń 12-si kúni Solnechnyı kentinde qatty borap soqqan jeldiń saldarynan elektr jetkizýshi jeliler úzilip, ol jylytý trassasynyń qatýyna alyp kelgen bolatyn. 4 túzetý mekemesi men kópqabatty 8 úıdiń myńnan astam turǵyny birneshe kún jylýsyz otyrdy.
Aıta keteıik, buǵan deıin úsh túzetý mekemesiniń jylytý júıesi qalpyna keltirilgen bolatyn. Jóndeý-qalpyna keltirý kezeń-kezeńimen júrgizilýde.
