Solnechnyı aýyly qysta jylýsyz qalýy múmkin - N. Sabılıanov
ASTANA. Qyrkúıektiń 8-i. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda depýtat Nurtaı Sabılıanov Úkimet basshysynyń atyna saýal joldap, onda Shyǵys Qazaqstan oblysy Jarma aýdany Solnechnyı aýylynyń jylý berý júıesin jáne ınfraqurylymyn qalpyna keltirý máselesin kóterdi.
Depýtattyń aıtýynsha, atalǵan másele osyǵan deıin de birneshe dúrkin sóz bolǵanyna qaramastan, kezinde kóterilgen problema áli de óz sheshimin tappaı otyr.
«Solnechnyı aýylynda 2010 jylǵy qańtarda jylý qazandyǵy jarylyp, jylý júıesi tolyq isten shyǵyp, 1 aı degende qalpyna keltirilgen edi. Buryn áskerı qalashyq bolǵan osy aýyldaǵy bes qabatty úılerde 1,5 myńdaı adam turady. Budan bólek, aýylda Ádilet mınıstrliginiń Qylmystyq-atqarý júıesi komıtetine qarasty 4 túzeý mekemesi de ornalasqan. Qazirgi kezde Solnechnyıdaǵy jylý qazandyǵy, jylý júıesi tozǵan, olardaǵy ornatylǵan qural-jabdyqtardyń paıdalaný merzimi bitken. Sondyqtan da, qys túspeı jylý qazandyǵy iske qosylsa, bes qabatty turǵyn-úılerdi de kúrdeli jóndeýden ótkizip, balabaqsha, mádenıet úıin, dárigerlik ambýlatorııany salý máselesi sheshimin tapsa ıgi», - dedi depýtat.
