Soldat shatqalyna «altyn» jaýdy - Azıada
ALMATY. 5 aqpan. QazAqparat /Elena Ilınskaıa/ - Shańǵymen baǵdarlaýshylar el qorjynyna taǵy eki altyn saldy: qyzdarymyz da, erlerimiz de erledi.
Estafetaǵa qyzdar arasynan Evgenııa Kýzmına, Elmıra Moldasheva jáne Olga Novıkova qatysty. Olar 59 mınýt 43 sekýnd nátıjemen, qanjyǵalaryna altyn baılady.
Erler arasynda Aleksandr Babenko, Aslan Toqbaev jáne Mıhaıl Sorokın óner kórsetip, 56 mınýt 15 sekýnd nátıjemen, altynmen aptaldy. Olar koreı, ıran jáne mońǵol baǵdarlaýshylaryn artta qaldyryp ketti.
Búgin Soldat shatqalynda shańǵy jarysynan ótken klassıkalyq jáne erkin stılde áıelder arasyndaǵy 5 shaqyrymdyq estafetada jerlesterimiz altynnan alqa taqqanyn, bıatlonnan áıelder arasyndaǵy 4h6 shaqyrymdyq estafetalyq jarysta da jerlesterimiz birinshi júlde alǵanyn buǵan deıin habarlaǵan bolatynbyz. Dál qazir shatqalda klassıkalyq jáne erkin stılde erler arasynda 4h10 estafetasy ótýde.
