Soldat shatqaly qazaqstandyq shańǵymen baǵdarlaýshylar úshin chempıondar ustahanasyna aınaldy
ALMATY. 3 aqpan. QazAqparat /Erlik Erjanuly/ - Almaty oblysy Talǵar aýdany Soldat shatqalyndaǵy Shańǵy-bıatlon stadıony kesheni qazaqstandyq shańǵymen baǵdarlaýshylar úshin sáttilik mekenine aınaldy. Jerlesterimiz Aq Azıada aıasynda 2 kúnniń ishinde qurama qorjynyna 4 altyn, 3 kúmis, 1 qola júlde saldy.
Búgin atalmysh keshende uzaq qashyqtyqta erler men áıelder arasynda taǵy 2 medaldar toptamasy sarapqa salynbaq. Buǵan deıin 31 qańtar men 2 aqpan kúnderi sprınttik jáne orta qashyqtaǵy jarystarda 4 medaldar toptamasy báıgege tigilgen edi. Bul saıystarda astanalyq Mıhaıl Sorokın men Olga Novıkova qos-qostan altyn júlde oljalady. Shyǵys qazaqstandyq Evgenııa Kýzmına 1 kúmis, 1 qola medaldiń ıegeri boldy. Al onyń jerlesteri Aleksandr Babenko men Vıtalıı Lılıchenko Azııa chempıonatynyń kúmis júldegeri atandy.
Jalpy, 31 qańtar men 5 aqpan aralyǵynda ótetin shańǵymen baǵdarlaý jarysy qysqy Azııa oıyndarynyń baǵdarlamasyna bıyl alǵash ret engizilip otyr. Onda 8 medaldar toptamasyn 6 memlekettiń sportshylary ózara dodaǵa salýda. QR Ulttyq quramasynyń bas bapkeri Aleksandr Isachenko bul básekege erler men áıelder arasynda alty-altydan 12 shabandozdy qosyp otyr.
