Sol jaǵalaýda órt qaýipsizdigi erejeleri boıynsha reıdter ótkizildi - Astana
ASTANA. QazAqparat - Elordanyń Esil aýdanynda jeke sektorda órt qaýipsizdigi erejeleri boıynsha reıdter ótkizildi. Bul týraly astana.kz saıtyna qalalyq Tótenshe jaǵdaılar departamentinen habarlady.
Inspektorlar aýdannyń jeke sektoryndaǵy úılerdi aralady, turǵyndarmen áńgimelesip, árqaısysyna órtke qarsy taqyryptaǵy kórneki úgit-nasıhat materıaldaryn usyndy.
Aıta keteıik, Esil aýdanynyń TJ basqarmasy jylytý maýsymynda órt qaýipsizdigi erejeleri boıynsha halyqpen jumysty belsendi júrgizip otyr. Bul jumystar tótenshe jaǵdaılardyń týyndaýyn boldyrmaýǵa baǵyttalady. Osy maqsatta 2013 jyly Astana qalasynyń sol jaǵalaýyndaǵy 4 myńǵa jýyq turǵyn úıge órt qaýipsizdigi erejeleri boıynsha reıdter júrgizildi.
«2013 jyly 3 763 jeke menshiktegi úı qamtyldy. Esil aýdanynda ornalasqan PIK ókilderimen jáne kóp qabatty turǵyn úı keshenderine qyzmet kórsetetin uıymdardyń basshylarmen birlesip, turǵyndarmen, páterlerdi jalǵa alýshylarmen órtke qarsy taqyrypta 46 jınalys uıymdastyryldy. Orta bilim berý uıymdarynda 9-11 synyptarda oqıtyn 76 oqýshymen 3 ınteraktıvti sabaq ótkizildi, udaıy dárister oqylady, ekskýrsııalar ótkiziledi, órtke qarsy taqyrypta áńgimelesý júrgiziledi», - delingen habarlamada.
Budan basqa, kestege sáıkes Esil aýdanynyń ІІB ınspektorlarymen birlesip, esepte turǵan turmysy tómen otbasylardy aralaý uıymdastyrylady. Jumystar barysynda áńgimelesý júrgiziledi, sondaı-aq turmysta órt qaýipsizdigi erejelerin saqtaý boıynsha jadynamalar taratý kózdelgen.
