Sol jaǵalaýda «Nomad» turǵyn úı keshenindegi órt sóndirildi
ASTANA. QazAqparat - QR ІІM Tótenshe jaǵdaılar komıtetiniń resmı ókili Rýslan Imanqulov «QazAqparat» HAA tilshisine elordadaǵy «Nomad» turǵyn úı kesheninde órt bolǵandyǵyn rastady.
«29 mamyrda 20.48-de órt sóndirý qyzmetine Esil aýdanyndaǵy Syǵanaq kóshesinde ornalasqan 14 qabattty «Nomad» turǵyn úı kesheniniń 8-9 qabattary deńgeıinde syrtqy qaptamasynyń órtenip jatqany týraly habar túsken. Elordalyq órtke qarsy qyzmet bólimsheleriniń kúshimen tilsiz jaý 21.20-da aýyzdyqtaldy. 21.40 ta jalyn tolyqtaı sóndirildi.
Órtti sóndirýge 17 adam men 6 tehnıka tartyldy. Sondaı-aq joǵary qabattarda paıdalanylatyn arnaıy tehnıka qoldanyldy. Páterler zardap shekken joq»,-dep habarlady Rýslan Imanqulov.
