Soqyrlarǵa arnalǵan smart-kózildirik shyqty
ASTANA. 5 qarasha. QazAqparat - Oksford ýnıversıtetiniń ǵalymy kórý qabileti tómen adamdar úshin kópfýnktsııaly smart-kózildirikti oılap tapty, dep habarlaıdy medportal.ru saıtynan.
Soqyr bolyp tabylatyn kóptegen adamdar qozǵalys pen jaryqty qabyldaı alady, al bul qurylǵy osy múmkindikterdi paıdalanýǵa beıimdeıdi.
Zertteýshiniń sózderine qaraǵanda, bul kózildirik soqyr adamdarǵa joldarynda kezdesetin kedergilerdi anyqtap berip qana qoımaı, sonymen qatar belgili bir nysandardy, mysaly, avtobýs aıaldamasyn, esik nemese óziniń jeke zattaryn anyqtaýǵa múmkindik beredi.
Smart-kózildirik quramynda nysanǵa deıingi araqashyqtyqty anyqtaıtyn beınekamera men ınfraqyzyl proektor, sonymen birge múlde kórmeıtin adamdarǵa kómek úshin qajetti kompas, GPS spýtnıktik navıgatsııa júıesi jáne gırosop (zattyń buryshynyń ózgeristerin anyqtaıtyn qurylǵy) bar.
Óz eńbegi úshin ǵalym Hıks Braıan Merser koroldik qaýymdastyǵynyń júldesin jeńip aldy. Endi ol ózi oılap tapqan bul qurylǵyny odan ári jetildirýdi josparlaýda.
