Soqyr júrgizýshi jyldamdyqtyń álemdik rekordyn ornatty - VIDEO
ASTANA. QazAqparat - Brıtanııalyq avtoshabandoz Maık Nıýman Nissan GT-R kóligimen jańa álemdik rekord ornatty. Ol jyldamdyǵyn saǵatyna 328 shaqyrymǵa deıin arttyrdy. Mundaı jetistikke sonshalyqty este qalmas edi: eger Maık Nıýman soqyr bolmaǵanda. Rekord Soltústik Iorkshır brıtandyq graftyǵynda Iork qalasynan jaqyn jerde ushyp-qoný jolynda ornatyldy. Shabandoz avtokólikti ratsııa arqyly ákesiniń aıtyp otyrýmen basqardy.
«Bul tańǵaldyratyn oqıǵa! Men osy rekordty birneshe jyldan beri ornatqym kelgen, endi, mine, qolymnan keldi», - dep bólisti Nıýman. Bul brıtandyqtyń birinshi jetistigi emes ekenin aıtyp ketý kerek. Óziniń birinshi rekordyn ol 2008 jyly ornatqan. Onda Jaguar XKR kóligimen saǵatyna 232,8 shaqyrymǵa deıin jyldamdyqty arttyrdy. Úsh jyldan keıin BMW M5-pen saǵatyna 286,4 shaqyrym deıin, ótken jyly Porsche 911 GT2-men 299,3 shaqyrymǵa deıin jetkizdi. Endi, mine, jańa jeńis. Avtosportqa kelgenshe brıtandyq kommertsııalyq bankte mansabyn jasady. Avtosportqa ol múmkindigi shektelgen adamdardyń qyzyǵýshylyǵyn arttyrý maqsatymen kelgen, dep jazady sheteldik BAQ.
