Soqtyǵysýdan qashqan delfınniń áreketi jaıly vıdeo jelini paıdalanýshylardy tańǵaldyrdy
ASTANA. QazAqparat - 9 News Gold Coast feısbýk-arnasyna Avstralııa jaǵalaýyndaǵy delfınniń serferge kedergi keltirgeni týraly sıýjet jarııalandy.
Jaǵalaýda túsirilgen kadrlarǵa qarap, serferdiń taqtaıǵa tura bergen kezinde delfınniń aıaq astynan shyǵa kelgenin kórýge bolady. Eger muqııat zer salsańyz, delfınniń sońǵy ýaqytta adammen soqtyǵysýdan qashýǵa tyrysqanyn kórer edińiz.
Serfer mundaı erekshe soqtyǵystan zardap shekken joq, kerisinshe qyzyq oqıǵaǵa tap bolǵanyna masattanyp qaldy.
Vıdeo "Adam men delfınniń tolqynǵa talasýy» taqyrybymen jarııalandy. Kóptegen jeli qoldanýshylary tańdanystaryn jasyrmady. Olardyń biri: «Vıdeony qaıta-qaıta kórip, tabıǵatymyzda ásem tirshilik ıeleri baryn oılap, erekshe kúıde otyrmyn. Er adam da, delfın de ózderin laıyqty ustady. Ekeýi de sondaı sheber jáne meıirimdi!», - degen pikirin jazdy.
